בדרך עדותיך ששתי כעל כל הון׃

גם עדתיך שעשעי אנשי עצתי׃

הדריכני בנתיב מצותיך כי בו חפצתי׃

ואשתעשע במצותיך אשר אהבתי׃

טפש כחלב לבם אני תורתך שעשעתי׃

יבאוני רחמיך ואחיה כי תורתך שעשעי׃

לולי תורתך שעשעי אז אבדתי בעניי׃

לעשות רצונך אלהי חפצתי ותורתך בתוך מעי׃

כי לפי האדם הפנימי חפצתי בתורת אלהים׃

זאת הברית אשר אכרת אתם אחרי הימים ההם אמר יהוה נתתי את תורתי בקרבם ועל לבם אכתבנה׃

ולעונם ולחטאתם לא אזכר עוד׃

בלבי צפנתי אמרתך למען לא אחטא לך׃

כי הייתי כנאד בקיטור חקיך לא שכחתי׃

לעולם לא אשכח פקודיך כי בם חייתני׃

נפשי בכפי תמיד ותורתך לא שכחתי׃

צעיר אנכי ונבזה פקדיך לא שכחתי׃

תעיתי כשה אבד בקש עבדך כי מצותיך לא שכחתי׃

בני תורתי אל תשכח ומצותי יצר לבך׃

כי האיש אשר רק שמע את הדבר ולא עשהו נמשל לאיש מביט את תאר הויתו במראה׃

כי הביט אל מראהו וילך לו וברגע שכח מה תארו׃