נר לרגלי דברך ואור לנתיבתי׃

כי נר מצוה ותורה אור ודרך חיים תוכחות מוסר׃

לתורה ולתעודה אם לא יאמרו כדבר הזה אשר אין לו שחר׃

לתת דעת הישועה לעמו בסליחת חטאתיהם׃

להאיר לישבי חשך וצלמות ולהכין את רגלינו אל דרך השלום׃

לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃

אשר אלהי העולם הזה עור בהם את דעות הסוררים לבלתי זרח להם נגה בשורת כבוד המשיח אשר הוא צלם האלהים׃

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח׃

אבל כל זאת יגלה כשיוכח על ידי האור כי כל הנגלה אור הוא׃

על כן הוא אומר עורה הישן וקומה מן המתים ויאר לך המשיח׃

ועתה דבר הנבואה יותר קים אתנו והטיבתם עשות אשר שתם לבכם אליו כמו אל נר מאיר במקום אפל עד כי יבקע אור היום וזרח כוכב הנגה בלבבכם׃

תורת יהוה תמימה משיבת נפש עדות יהוה נאמנה מחכימת פתי׃

לתת לפתאים ערמה לנער דעת ומזמה׃

עד מתי פתים תאהבו פתי ולצים לצון חמדו להם וכסילים ישנאו דעת׃

תשובו לתוכחתי הנה אביעה לכם רוחי אודיעה דברי אתכם׃

מי פתי יסר הנה חסר לב אמרה לו׃

עזבו פתאים וחיו ואשרו בדרך בינה׃

כי אנשים אשר כאלה אינם עבדים את אדנינו ישוע המשיח כי אם את כרשם ובאמרי נעם ושפת חלקות יתעו את לב הפתאים׃

כי משמעתכם נודעת לכל לכן אני שמח עליכם אך חפצתי היתכם חכמים להטיב ותמימים לבלתי הרע׃

ומנעוריך ידעת את כתבי הקדש היכלים להחכימך אל הישועה על ידי האמונה במשיח ישוע׃

למען אשר יהיה איש האלהים תמים ומהיר לכל מעשה טוב׃