Psaumes 119:94
לך אני הושיעני כי פקודיך דרשתי׃
Psaumes 86:16
פנה אלי וחנני תנה עזך לעבדך והושיעה לבן אמתך׃
Psaumes 116:16
אנה יהוה כי אני עבדך אני עבדך בן אמתך פתחת למוסרי׃
Romains 6:22
אכן עתה בהיותכם משחררים מידי החטא ומשעבדים לאלהים יש לכם פריכם לקדשה ואחריתו חיי עולם׃
Psaumes 119:34
הבינני ואצרה תורתך ואשמרנה בכל לב׃
Psaumes 119:66
טוב טעם ודעת למדני כי במצותיך האמנתי׃
2 Chroniques 1:7-10
7
בלילה ההוא נראה אלהים לשלמה ויאמר לו שאל מה אתן לך׃
8
ויאמר שלמה לאלהים אתה עשית עם דויד אבי חסד גדול והמלכתני תחתיו׃
9
עתה יהוה אלהים יאמן דברך עם דויד אבי כי אתה המלכתני על עם רב כעפר הארץ׃
10
עתה חכמה ומדע תן לי ואצאה לפני העם הזה ואבואה כי מי ישפט את עמך הזה הגדול׃
2 Corinthiens 3:5
יען אשר לא נוכל אנחנו לדין דין מעצמנו כי יכלתנו מאת האלהים היא׃
2 Corinthiens 3:6
אשר הכשיר אתנו למשרתי ברית חדשה לא של האותיות אלא של הרוח כי האות ימית והרוח יחיה׃
2 Timothée 2:7
בין באשר אני אמר כי האדון יתן לך חכמה בכל דבר׃
Jacques 1:5
ואיש מכם כי יחסר חכמה יבקשנה מאלהים הנותן לכל בנדיבה ובאין גערה ותנתן לו׃
Jacques 3:13-17
13
מי בכם חכם ונבון יראה בדרכו הטובה את מעשיו בענות החכמה׃
14
ואם קנאה מרה ומריבה בלבבכם אל תתהללו ואל תשקרו באמת׃
15
אין זאת החכמה הירדת ממעל כי אם חכמת אדמה היא וחכמת היצר והשדים׃
16
כי במקום קנאה ומריבה שם מהומה וכל מעשה רע׃
17
אבל החכמה אשר ממעל בראשונה צנועה היא אף אהבת שלום ומכרעת לכף זכות ואיננה עמדת על דעתה ומלאה רחמים ופרי טוב בלא לב ולב ובלי חנפה׃
Psaumes 119:11
בלבי צפנתי אמרתך למען לא אחטא לך׃
Psaumes 119:18
גל עיני ואביטה נפלאות מתורתך׃
Psaumes 119:19
גר אנכי בארץ אל תסתר ממני מצותיך׃
Psaumes 119:29
דרך שקר הסר ממני ותורתך חנני׃
Proverbes 9:10
תחלת חכמה יראת יהוה ודעת קדשים בינה׃
Proverbes 14:8
חכמת ערום הבין דרכו ואולת כסילים מרמה׃