ויבאני חסדך יהוה תשועתך כאמרתך׃

יהי נא חסדך לנחמני כאמרתך לעבדך׃

יבאוני רחמיך ואחיה כי תורתך שעשעי׃

פנה אלי וחנני כמשפט לאהבי שמך׃

למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי׃

ואני תפלתי לך יהוה עת רצון אלהים ברב חסדך ענני באמת ישעך׃

ענני יהוה כי טוב חסדך כרב רחמיך פנה אלי׃

אל תזכר לנו עונת ראשנים מהר יקדמונו רחמיך כי דלונו מאד׃

לא כחטאינו עשה לנו ולא כעונתינו גמל עלינו׃

אם עונות תשמר יה אדני מי יעמד׃

כי עמך הסליחה למען תורא׃

יחל ישראל אל יהוה כי עם יהוה החסד והרבה עמו פדות׃

הטה אלהי אזנך ושמע פקחה עיניך וראה שממתינו והעיר אשר נקרא שמך עליה כי לא על צדקתינו אנחנו מפילים תחנונינו לפניך כי על רחמיך הרבים׃

והמוכס היה עמד מרחוק ולא אבה אף לשאת את עיניו לשמים כי אם תופף על לבו לאמר אלהים סלח לי החוטא׃

יתן האדון רחמים לבית אניסיפורוס כי פעמים רבות השיב את נפשי ולא בוש ממוסרי׃

יתן לו האדון למצא רחמים מלפני יהוה ביום ההוא ורב שרותו אשר שרת באפסוס אתה ידעת היטב׃

ברוך אתה יהוה למדני חקיך׃

דרכי ספרתי ותענני למדני חקיך׃

למדני לעשות רצונך כי אתה אלוהי רוחך טובה תנחני בארץ מישור׃

ובחסדך תצמית איבי והאבדת כל צררי נפשי כי אני עבדך׃

ורוחך הטובה נתת להשכילם ומנך לא מנעת מפיהם ומים נתתה להם לצמאם׃