כפי בשורת כבוד האל המברך אשר פקדה עלי׃

אשר יראנה בעתה המברך והשליט לבדו מלך המלכים ואדני האדנים׃

דרכי ספרתי ותענני למדני חקיך׃

דרך פקודיך הבינני ואשיחה בנפלאותיך׃

הורני יהוה דרך חקיך ואצרנה עקב׃

חסדך יהוה מלאה הארץ חקיך למדני׃

טוב טעם ודעת למדני כי במצותיך האמנתי׃

טוב אתה ומטיב למדני חקיך׃

טוב לי כי עניתי למען אלמד חקיך׃

טוב לי תורת פיך מאלפי זהב וכסף׃

נדבות פי רצה נא יהוה ומשפטיך למדני׃

עשה עם עבדך כחסדך וחקיך למדני׃

עבדך אני הבינני ואדעה עדתיך׃

פניך האר בעבדך ולמדני את חקיך׃

הורני יהוה דרכך אהלך באמתך יחד לבבי ליראה שמך׃

למדני לעשות רצונך כי אתה אלוהי רוחך טובה תנחני בארץ מישור׃

אז פתח את לבבם להבין את הכתובים׃

והפרקליט תוח הקדש אשר ישלחנו אבי בשמי הוא ילמדכם את כל ויזכירכם את כל אשר הגדתי לכם׃

ואתם המשחה אשר קבלתם מאתו עמדת בכם ולא תצטרכו לאיש אשר ילמדכם כי אם כאשר תלמד אתכם המשחה בכל דבר היא האמת ואיננה כזב וכאשר למדה אתכם כן תעמדו בו׃