כי זרועות רשעים תשברנה וסומך צדיקים יהוה׃

כי יפל לא יוטל כי יהוה סומך ידו׃

ואני בתמי תמכת בי ותציבני לפניך לעולם׃

דבקה נפשי אחריך בי תמכה ימינך׃

אם אמרתי מטה רגלי חסדך יהוה יסעדני׃

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃

הן עבדי אתמך בו בחירי רצתה נפשי נתתי רוחי עליו משפט לגוים יוציא׃

אלהי בך בטחתי אל אבושה אל יעלצו איבי לי׃

ישראל נושע ביהוה תשועת עולמים לא תבשו ולא תכלמו עד עולמי עד׃

והתקוה היא לא תביש כי הוצק בלבבנו אהבת אל על ידי רוח הקדש הנתן לנו׃

ועל מה יען אשר לא מאמונה דרשוה כי אם ממעשים כי התנגפו באבן נגף׃

כי הכתוב אמר כל המאמין בו לא יבוש׃

וזה הוא שאמר הכתוב הנני יסד בציון אבן פנה אבן בחן ויקרה והמאמין בה לא יבוש׃