הנחמדים מזהב ומפז רב ומתוקים מדבש ונפת צופים׃

כמו חלב ודשן תשבע נפשי ושפתי רננות יהלל פי׃

מצות שפתיו ולא אמיש מחקי צפנתי אמרי פיו׃

דרכיה דרכי נעם וכל נתיבותיה שלום׃

כי טובה חכמה מפנינים וכל חפצים לא ישוו בה׃

אכל בני דבש כי טוב ונפת מתוק על חכך׃

כן דעה חכמה לנפשך אם מצאת ויש אחרית ותקותך לא תכרת׃

ישקני מנשיקות פיהו כי טובים דדיך מיין׃

משכני אחריך נרוצה הביאני המלך חדריו נגילה ונשמחה בך נזכירה דדיך מיין מישרים אהבוך׃

באתי לגני אחתי כלה אריתי מורי עם בשמי אכלתי יערי עם דבשי שתיתי ייני עם חלבי אכלו רעים שתו ושכרו דודים׃