חשבתי דרכי ואשיבה רגלי אל עדתיך׃

חשתי ולא התמהמהתי לשמר מצותיך׃

מפקודיך אתבונן על כן שנאתי כל ארח שקר׃

עת לעשות ליהוה הפרו תורתך׃

ואהי תמים עמו ואשתמר מעוני׃

בני אל תלך בדרך אתם מנע רגלך מנתיבתם׃

כלנו כצאן תעינו איש לדרכו פנינו ויהוה הפגיע בו את עון כלנו׃

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃

מה תזלי מאד לשנות את דרכך גם ממצרים תבושי כאשר בשת מאשור׃

כי הופיע חסד אלהים להושיע את כל בני האדם׃

וליסר אתנו אשר נתעב הרשע ותאות העולם ונחיה בעולם הזה בצניעות ובצדק ובחסידות׃

ועתה הסירו מכם כל רשע וכל מרמה וחנפה וקנאה וכל לשון רע׃

וכעללים אשר מקרוב נולדו התאוו לחלב השכלי והזך למען תגדלו בו׃

כי האיש החפץ חיים אהב ימים לראות טוב יצר לשונו מרע ושפתיו מדבר מרמה׃

יסור מרע ויעשה טוב יבשק שלום וירדפהו׃