ישראל בטח ביהוה עזרם ומגנם הוא׃

יראי יהוה בטחו ביהוה עזרם ומגנם הוא׃

בית ישראל ברכו את יהוה בית אהרן ברכו את יהוה׃

בית הלוי ברכו את יהוה יראי יהוה ברכו את יהוה׃

יודוך יהוה כל מעשיך וחסידיך יברכוכה׃

מגיד דברו ליעקב חקיו ומשפטיו לישראל׃

לא עשה כן לכל גוי ומשפטים בל ידעום הללו יה׃

וכל המהלכים כפי השורה הזאת שלום ורחמים עליהם ועל ישראל אשר לאלהים׃

לכן נקריב על ידו בכל עת זבח תודה לאלהים היא פרי שפתים המודות לשמו׃

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃

אשר לפנים לא עם הייתם ועתה עם אלהים ואשר לפנים לא רחמו ועתה מרחמים׃