יגמר נא רע רשעים ותכונן צדיק ובחן לבות וכליות אלהים צדיק׃

בחנת לבי פקדת לילה צרפתני בל תמצא זמתי בל יעבר פי׃

בחנני יהוה ונסני צרופה כליותי ולבי׃

למנצח לדוד מזמור יהוה חקרתני ותדע׃

חקרני אל ודע לבבי בחנני ודע שרעפי׃

וראה אם דרך עצב בי ונחני בדרך עולם׃

ויהי אחר הדברים האלה והאלהים נסה את אברהם ויאמר אליו אברהם ויאמר הנני׃

והבאתי את השלשית באש וצרפתים כצרף את הכסף ובחנתים כבחן את הזהב הוא יקרא בשמי ואני אענה אתו אמרתי עמי הוא והוא יאמר יהוה אלהי׃

וישב מצרף ומטהר כסף וטהר את בני לוי וזקק אתם כזהב וככסף והיו ליהוה מגישי מנחה בצדקה׃

אשרי האיש העמד בנסיונו כי כאשר נבחן ישא עטרת החיים אשר הבטיח יהוה לאהביו׃

למען תמצא אמונתכם המזקקה יקרה הרבה מן הזהב האבד הצרוף באש לתהלה ולכבוד ולתפארת בהתגלות ישוע המשיח׃

אהובים בבאכם בתוך כור עני למען נסתכם אל נא תתמהו כאלו קרה לכם דבר זר׃

כי לא אל חפץ רשע אתה לא יגרך רע׃

לא יתיצבו הוללים לנגד עיניך שנאת כל פעלי און׃

כי הלל רשע על תאות נפשו ובצע ברך נאץ יהוה׃

תמצא ידך לכל איביך ימינך תמצא שנאיך׃

שש הנה שנא יהוה ושבע תועבות נפשו׃

לב חרש מחשבות און רגלים ממהרות לרוץ לרעה׃

היתה לי נחלתי כאריה ביער נתנה עלי בקולה על כן שנאתיה׃

ואכחד את שלשת הרעים בירח אחד ותקצר נפשי בהם וגם נפשם בחלה בי׃