ויאהב קללה ותבואהו ולא חפץ בברכה ותרחק ממנו׃

תהי לו כבגד יעטה ולמזח תמיד יחגרה׃

יבשו ויבהלו מאד כל איבי ישבו יבשו רגע׃

יבשו ויחפרו יחדו שמחי רעתי ילבשו בשת וכלמה המגדילים עלי׃

אויביו אלביש בשת ועליו יציץ נזרו׃

ראש מסבי עמל שפתימו יכסומו׃

ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכח׃

ורבים מישני אדמת עפר יקיצו אלה לחיי עולם ואלה לחרפות לדראון עולם׃

ותרא איבתי ותכסה בושה האמרה אלי איו יהוה אלהיך עיני תראינה בה עתה תהיה למרמס כטיט חוצות׃