הסתר פניך מחטאי וכל עונתי מחה׃

שת עונתינו לנגדך עלמנו למאור פניך׃

הלא הוא כמס עמדי חתם באוצרתי׃

כי אם תכבסי בנתר ותרבי לך ברית נכתם עונך לפני נאם אדני יהוה׃

ובל יאמרו ללבבם כל רעתם זכרתי עתה סבבום מעלליהם נגד פני היו׃

נשבע יהוה בגאון יעקב אם אשכח לנצח כל מעשיהם׃

יהי אחריתו להכרית בדור אחר ימח שמם׃

פני יהוה בעשי רע להכרית מארץ זכרם׃

זכרו אבד מני ארץ ולא שם לו על פני חוץ׃

והנחתם שמכם לשבועה לבחירי והמיתך אדני יהוה ולעבדיו יקרא שם אחר׃