Psaumes 128:1-6
1
שיר המעלות אשרי כל ירא יהוה ההלך בדרכיו׃
2
יגיע כפיך כי תאכל אשריך וטוב לך׃
3
אשתך כגפן פריה בירכתי ביתך בניך כשתלי זיתים סביב לשלחנך׃
4
הנה כי כן יברך גבר ירא יהוה׃
5
יברכך יהוה מציון וראה בטוב ירושלם כל ימי חייך׃
6
וראה בנים לבניך שלום על ישראל׃
Génèse 1:28
ויברך אתם אלהים ויאמר להם אלהים פרו ורבו ומלאו את הארץ וכבשה ורדו בדגת הים ובעוף השמים ובכל חיה הרמשת על הארץ׃
Génèse 9:1
ויברך אלהים את נח ואת בניו ויאמר להם פרו ורבו ומלאו את הארץ׃
Génèse 12:2
ואעשך לגוי גדול ואברכך ואגדלה שמך והיה ברכה׃
Génèse 17:16
וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃
Génèse 17:20
ולישמעאל שמעתיך הנה ברכתי אתו והפריתי אתו והרביתי אתו במאד מאד שנים עשר נשיאם יוליד ונתתיו לגוי גדול׃
Exode 1:7
ובני ישראל פרו וישרצו וירבו ויעצמו במאד מאד ותמלא הארץ אתם׃
Deutéronome 28:4
ברוך פרי בטנך ופרי אדמתך ופרי בהמתך שגר אלפיך ועשתרות צאנך׃
Deutéronome 28:11
והותרך יהוה לטובה בפרי בטנך ובפרי בהמתך ובפרי אדמתך על האדמה אשר נשבע יהוה לאבתיך לתת לך׃
Deutéronome 30:9
והותירך יהוה אלהיך בכל מעשה ידך בפרי בטנך ובפרי בהמתך ובפרי אדמתך לטובה כי ישוב יהוה לשוש עליך לטוב כאשר שש על אבתיך׃
Jérémie 30:19
ויצא מהם תודה וקול משחקים והרבתים ולא ימעטו והכבדתים ולא יצערו׃
Ezechiel 37:26
וכרתי להם ברית שלום ברית עולם יהיה אותם ונתתים והרביתי אותם ונתתי את מקדשי בתוכם לעולם׃
Psaumes 144:13
מזוינו מלאים מפיקים מזן אל זן צאוננו מאליפות מרבבות בחוצותינו׃
Psaumes 144:14
אלופינו מסבלים אין פרץ ואין יוצאת ואין צוחה ברחבתינו׃
Génèse 30:43
ויפרץ האיש מאד מאד ויהי לו צאן רבות ושפחות ועבדים וגמלים וחמרים׃
Génèse 31:9
ויצל אלהים את מקנה אביכם ויתן לי׃
Exode 9:3-7
3
הנה יד יהוה הויה במקנך אשר בשדה בסוסים בחמרים בגמלים בבקר ובצאן דבר כבד מאד׃
4
והפלה יהוה בין מקנה ישראל ובין מקנה מצרים ולא ימות מכל לבני ישראל דבר׃
5
וישם יהוה מועד לאמר מחר יעשה יהוה הדבר הזה בארץ׃
6
ויעש יהוה את הדבר הזה ממחרת וימת כל מקנה מצרים וממקנה בני ישראל לא מת אחד׃
7
וישלח פרעה והנה לא מת ממקנה ישראל עד אחד ויכבד לב פרעה ולא שלח את העם׃
Exode 12:38
וגם ערב רב עלה אתם וצאן ובקר מקנה כבד מאד׃
Deutéronome 7:14
ברוך תהיה מכל העמים לא יהיה בך עקר ועקרה ובבהמתך׃
Proverbes 10:22
ברכת יהוה היא תעשיר ולא יוסף עצב עמה׃