ויך כל בכור במצרים ראשית אונים באהלי חם׃

שהכה בכורי מצרים מאדם עד בהמה׃

למכה מצרים בבכוריהם כי לעולם חסדו׃

ואמר אליך שלח את בני ויעבדני ותמאן לשלחו הנה אנכי הרג את בנך בכרך׃

ויאמר משה כה אמר יהוה כחצת הלילה אני יוצא בתוך מצרים׃

ומת כל בכור בארץ מצרים מבכור פרעה הישב על כסאו עד בכור השפחה אשר אחר הרחים וכל בכור בהמה׃

ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשה שפטים אני יהוה׃

ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה׃

ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת׃

באמונה עשה את הפסח ונתינת הדם למען אשר לא יגע המשחית בבכוריהם׃

ראובן בכרי אתה כחי וראשית אוני יתר שאת ויתר עז׃