לא כן הרשעים כי אם כמץ אשר תדפנו רוח׃

ופשעים נשמדו יחדו אחרית רשעים נכרתה׃

כלה בחמה כלה ואינמו וידעו כי אלהים משל ביעקב לאפסי הארץ סלה׃

למנצח לדוד מזמור שיר יקום אלהים יפוצו אויביו וינוסו משנאיו מפניו׃

כהנדף עשן תנדף כהמס דונג מפני אש יאבדו רשעים מפני אלהים׃

כי הנה רחקיך יאבדו הצמתה כל זונה ממך׃

לבקרים אצמית כל רשעי ארץ להכרית מעיר יהוה כל פעלי און׃

כן יאבדו כל אויביך יהוה ואהביו כצאת השמש בגברתו ותשקט הארץ ארבעים שנה׃

ורשעים מארץ יכרתו ובוגדים יסחו ממנה׃

אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו׃

כי אמת וישר משפטיו כי שפט את הזונה הגדולה אשר השחיתה את הארץ בתזנתה וידרש מידה טאת דם עבדיו׃

ברכי נפשי את יהוה יהוה אלהי גדלת מאד הוד והדר לבשת׃

לדוד ברכי נפשי את יהוה וכל קרבי את שם קדשו׃

ברכי נפשי את יהוה ואל תשכחי כל גמוליו׃

ברכו יהוה כל מעשיו בכל מקמות ממשלתו ברכי נפשי את יהוה׃