לדוד משכיל אשרי נשוי פשע כסוי חטאה׃

כי החרשתי בלו עצמי בשאגתי כל היום׃

חטאתי אודיעך ועוני לא כסיתי אמרתי אודה עלי פשעי ליהוה ואתה נשאת עון חטאתי סלה׃

למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי׃

כי פשעי אני אדע וחטאתי נגדי תמיד׃

והוא יפדה את ישראל מכל עונתיו׃

ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃

אנכי אנכי הוא מחה פשעיך למעני וחטאתיך לא אזכר׃

והנה הם מביאים אליו איש נכה אברים והוא משכב על המטה ויהי כראות ישוע את אמונתם ויאמר אל נכה האברים חזק בני נסלחו לך חטאתיך׃

וירא ישוע את מחשבתם ויאמר למה תחשבו רעה בלבבכם׃

אך למען תדעון כי בן האדם יש לו השלטן בארץ לסלח חטאים ויאמר אל נכה האברים קום שא את מטתך ולך לך אל ביתך׃

ויהי כראות ישוע את אמונתם ויאמר אל נכה האברים בני נסלחו לך חטאתיך׃

אך למען תדעון כי לבן האדם יש השלטן לסלח חטאים בארץ ויאמר אל נכה האברים׃

לך אני אמר קום שא את משכבך ולך אל ביתך׃

לכן אני אמר אליך נסלחו לה חטאתיה הרבות כי הרבה אהבה ואשר נסלח לו מעט הוא אהב מעט׃

ויאמר אליה נסלחו לך חטאתיך׃

אשר בו לנו הפדיום בדמו וסליחת הפשעים כרב חסדו׃

יהוה אלהי שועתי אליך ותרפאני׃

מזמור לדוד להזכיר יהוה אל בקצפך תוכיחני ובחמתך תיסרני׃

אין מתם בבשרי מפני זעמך אין שלום בעצמי מפני חטאתי׃

הבאישו נמקו חבורתי מפני אולתי׃

כי כסלי מלאו נקלה ואין מתם בבשרי׃

יהוה יסעדנו על ערש דוי כל משכבו הפכת בחליו׃

אני אמרתי יהוה חנני רפאה נפשי כי חטאתי לך׃

דבר בליעל יצוק בו ואשר שכב לא יוסיף לקום׃

אולים מדרך פשעם ומעונתיהם יתענו׃

ויזעקו אל יהוה בצר להם ממצקותיהם יושיעם׃

יודו ליהוה חסדו ונפלאותיו לבני אדם׃

הרפא לשבורי לב ומחבש לעצבותם׃

ויאמר אם שמוע תשמע לקול יהוה אלהיך והישר בעיניו תעשה והאזנת למצותיו ושמרת כל חקיו כל המחלה אשר שמתי במצרים לא אשים עליך כי אני יהוה רפאך׃

ויצעק משה אל יהוה לאמר אל נא רפא נא לה׃

ויבא העם אל משה ויאמרו חטאנו כי דברנו ביהוה ובך התפלל אל יהוה ויסר מעלינו את הנחש ויתפלל משה בעד העם׃

ויעש משה נחש נחשת וישמהו על הנס והיה אם נשך הנחש את איש והביט אל נחש הנחשת וחי׃

ובל יאמר שכן חליתי העם הישב בה נשא עון׃

והוא מחלל מפשענו מדכא מעונתינו מוסר שלומנו עליו ובחברתו נרפא לנו׃

רפאני יהוה וארפא הושיעני ואושעה כי תהלתי אתה׃

ותפלת האמונה תושיע את החולה ויהוה יקימנו ואשר חטא יסלח לו׃