משד עניים מאנקת אביונים עתה אקום יאמר יהוה אשית בישע יפיח לו׃

מקצה הארץ אליך אקרא בעטף לבי בצור ירום ממני תנחני׃

למנצח על שושנים לדוד הושיעני אלהים כי באו מים עד נפש׃

טבעתי ביון מצולה ואין מעמד באתי במעמקי מים ושבלת שטפתני׃

אשפך לפניו שיחי צרתי לפניו אגיד׃

בהתעטף עלי רוחי ואתה ידעת נתיבתי בארח זו אהלך טמנו פח לי׃

ותתעטף עלי רוחי בתוכי ישתומם לבי׃

ואמר אבד נצחי ותוחלתי מיהוה׃

זכור תזכור ותשיח עלי נפשי׃

ויקח אתו את פטרוס ואת יעקב ואת יוחנן ויחל להשמים ולמוג׃

ויאמר אליהם נפשי מרה לי עד מות עמדו פה ושקדו׃

ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃

אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃

אלה אזכרה ואשפכה עלי נפשי כי אעבר בסך אדדם עד בית אלהים בקול רנה ותודה המון חוגג׃

בטחו בו בכל עת עם שפכו לפניו לבבכם אלהים מחסה לנו סלה׃

אזכרה אלהים ואהמיה אשיחה ותתעטף רוחי סלה׃

אשפך לפניו שיחי צרתי לפניו אגיד׃

ותען חנה ותאמר לא אדני אשה קשת רוח אנכי ויין ושכר לא שתיתי ואשפך את נפשי לפני יהוה׃

אל תתן את אמתך לפני בת בליעל כי מרב שיחי וכעסי דברתי עד הנה׃

הקשיבה לקול שועי מלכי ואלהי כי אליך אתפלל׃

למנצח בנגינת משכיל לדוד האזינה אלהים תפלתי ואל תתעלם מתחנתי׃

מקול אויב מפני עקת רשע כי ימיטו עלי און ובאף ישטמוני׃

יראה ורעד יבא בי ותכסני פלצות׃

למנצח אל תשחת לדוד מכתם בברחו מפני שאול במערה חנני אלהים חנני כי בך חסיה נפשי ובצל כנפיך אחסה עד יעבר הוות׃

ישלח משמים ויושיעני חרף שאפי סלה ישלח אלהים חסדו ואמתו׃

שיר המעלות ממעמקים קראתיך יהוה׃

אדני שמעה בקולי תהיינה אזניך קשבות לקול תחנוני׃

למנצח מזמור לדוד אשרי משכיל אל דל ביום רעה ימלטהו יהוה׃

יהוה ישמרהו ויחיהו יאשר בארץ ואל תתנהו בנפש איביו׃

מהר ענני יהוה כלתה רוחי אל תסתר פניך ממני ונמשלתי עם ירדי בור׃

רצון יראיו יעשה ואת שועתם ישמע ויושיעם׃

בצר לי אקרא יהוה ואל אלהי אשוע ישמע מהיכלו קולי ושועתי לפניו תבוא באזניו׃

ויהי בימים הרבים ההם וימת מלך מצרים ויאנחו בני ישראל מן העבדה ויזעקו ותעל שועתם אל האלהים מן העבדה׃

ויסירו את אלהי הנכר מקרבם ויעבדו את יהוה ותקצר נפשו בעמל ישראל׃

כעת מחר אשלח אליך איש מארץ בנימן ומשחתו לנגיד על עמי ישראל והושיע את עמי מיד פלשתים כי ראיתי את עמי כי באה צעקתו אלי׃

ויקמו הכהנים הלוים ויברכו את העם וישמע בקולם ותבוא תפלתם למעון קדשו לשמים׃

גם כי אזעק ואשוע שתם תפלתי׃

סכותה בענן לך מעבור תפלה׃