הרפו ודעו כי אנכי אלהים ארום בגוים ארום בארץ׃

כי אל גדול יהוה ומלך גדול על כל אלהים׃

באו נשתחוה ונכרעה נברכה לפני יהוה עשנו׃

כי הוא אלהינו ואנחנו עם מרעיתו וצאן ידו היום אם בקלו תשמעו׃

אתה הראת לדעת כי יהוה הוא האלהים אין עוד מלבדו׃

וידעת היום והשבת אל לבבך כי יהוה הוא האלהים בשמים ממעל ועל הארץ מתחת אין עוד׃

וידעת כי יהוה אלהיך הוא האלהים האל הנאמן שמר הברית והחסד לאהביו ולשמרי מצותו לאלף דור׃

היום הזה יסגרך יהוה בידי והכיתך והסרתי את ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל הארץ כי יש אלהים לישראל׃

וידעו כל הקהל הזה כי לא בחרב ובחנית יהושיע יהוה כי ליהוה המלחמה ונתן אתכם בידנו׃

ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך עשיתי את כל הדברים האלה׃

ותפל אש יהוה ותאכל את העלה ואת העצים ואת האבנים ואת העפר ואת המים אשר בתעלה לחכה׃

ועתה יהוה אלהינו הושיענו נא מידו וידעו כל ממלכות הארץ כי אתה יהוה אלהים לבדך׃

ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

ואלה הם חיי העולמים לדעת אתך אשר אתה לבדך אל אמת ואת ישוע המשיח אשר שלחת׃

כי אני עבר ומתבונן אל עבדות אלהיכם ואמצא מזבח אחד כתוב עליו לאל הנעלם ועתה את אשר עבדתם ואינכם ידעים אתו אני מגיד לכם׃

האל אשר עשה את העולם וכל אשר בו לא ישכן בהיכלות מעשה ידים כי הוא אדון השמים והארץ׃

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח׃

הן לפנים באין דעת אלהים הייתם עבדים את אשר בעצמותם אינם אלהים׃

ועתה אחרי ידעתם את האלהים ויותר אחרי שנודעתם לאלהים איך תשובו אל היסדות הרפים והדלים ההם אשר תרצו להכנע להם מחדש׃

וידענו כי בא בן אלהים ויתן לנו בינה לדעת את האמתי ובאמתי אנחנו בבנו ישוע המשיח זה הוא האל האמתי וחיי העולם׃

באו נשתחוה ונכרעה נברכה לפני יהוה עשנו׃

ידיך עשוני ויכוננוני הבינני ואלמדה מצותיך׃

כי אתה קנית כליתי תסכני בבטן אמי׃

לא נכחד עצמי ממך אשר עשיתי בסתר רקמתי בתחתיות ארץ׃

ולי מה יקרו רעיך אל מה עצמו ראשיהם׃

אם תקטל אלוה רשע ואנשי דמים סורו מני׃

הלוא משנאיך יהוה אשנא ובתקוממיך אתקוטט׃

חקרני אל ודע לבבי בחנני ודע שרעפי׃

ישמח ישראל בעשיו בני ציון יגילו במלכם׃

ידיך עצבוני ויעשוני יחד סביב ותבלעני׃

הלא כחלב תתיכני וכגבנה תקפיאני׃

חיים וחסד עשית עמדי ופקדתך שמרה רוחי׃

וזכר את בוראיך בימי בחורתיך עד אשר לא יבאו ימי הרעה והגיעו שנים אשר תאמר אין לי בהם חפץ׃

כי פעל אלהים אנחנו נבראים במשיח ישוע למעשים טובים אשר הכין האלהים מקדם למען נתהלך בהם׃

לכן גם המענים כרצון אלהים יפקידו את נפשותם ביד אלהים הברא הנאמן ויוסיפו לעשות הטוב׃

אשר אמרו ללשננו נגביר שפתינו אתנו מי אדון לנו׃

או הלא ידעתם כי גופכם הוא היכל רוח הקדש השכן בקרבכם אשר קבלתם מאת האלהים וכי לא לעצמכם אתם׃

כי במחיר נקניתם על כן כבדו את האלהים בגופכם וברוחכם אשר לאלהים המה׃

משכיל לאסף למה אלהים זנחת לנצח יעשן אפך בצאן מרעיתך׃

זכר עדתך קנית קדם גאלת שבט נחלתך הר ציון זה שכנת בו׃

ויסע כצאן עמו וינהגם כעדר במדבר׃

ואנחנו עמך וצאן מרעיתך נודה לך לעולם לדר ודר נספר תהלתך׃

כי הוא אלהינו ואנחנו עם מרעיתו וצאן ידו היום אם בקלו תשמעו׃

על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם׃

כרעה עדרו ירעה בזרעו יקבץ טלאים ובחיקו ישא עלות ינהל׃

ויזכר ימי עולם משה עמו איה המעלם מים את רעי צאנו איה השם בקרבו את רוח קדשו׃

היינו מעולם לא משלת בם לא נקרא שמך עליהם׃

כי כה אמר אדני יהוה הנני אני ודרשתי את צאני ובקרתים׃

וידעו כי אני יהוה אלהיהם אתם והמה עמי בית ישראל נאם אדני יהוה׃

ואתן צאני צאן מרעיתי אדם אתם אני אלהיכם נאם אדני יהוה׃

אני הרעה הטוב וידעתי את אשר לי ונודעתי לאשר לי׃

וצאן אחרות יש לי אשר אינן מן המכלה הזאת ועלי לנהל גם אתן ותשמענה קולי והיה עדר אחד ורעה אחד׃

אבל אתם לא תאמינו יען לא מצאני אתם כאשר אמרתי לכם׃

ואני אתן להן חיי עולמים ולא תאבדנה לנצח ואיש לא יחטף אתהן מידי׃

לכן שמרו את נפשותיכם ואת כל העדר אשר הקים אתכם רוח הקדש לפקידים בו לרעות את עדת האלהים אשר קנה לו בדם נפשו׃

כי ידע אני אשר אחרי צאתי יבואו בתוככם זאבים עזים אשר לא יחוסו על העדר׃

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃

אשר בחברתו נרפא לכם כי הייתם כצאן אבדות ועתה שבתם אל הרעה פקיד נפשתיכם׃

רעו את עדר האלהים אשר בידכם והשגיחו עליהם לא באנס כי אם בנדבה אף לא עקב בצע כי אם בנפש חפצה׃

והיה בהגלות שר הרעים תשאו עטרת הכבוד אשר לא תבל׃