חטאת פימו דבר שפתימו וילכדו בגאונם ומאלה ומכחש יספרו׃

אך משאתו יעצו להדיח ירצו כזב בפיו יברכו ובקרבם יקללו סלה׃

אשר אלה פיהם מלא ומררות׃

כי אין בפיהו נכונה קרבם הוות קבר פתוח גרונם לשונם יחליקון׃

הנה יחבל און והרה עמל וילד שקר׃

דברי פיו און ומרמה חדל להשכיל להיטיב׃

אהבת כל דברי בלע לשון מרמה׃

חלקו מחמאת פיו וקרב לבו רכו דבריו משמן והמה פתחות׃

זרו רשעים מרחם תעו מבטן דברי כזב׃

אשר שננו כחרב לשונם דרכו חצם דבר מר׃

אין קרא בצדק ואין נשפט באמונה בטוח על תהו ודבר שוא הרו עמל והוליד און׃

וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃

שבתך בתוך מרמה במרמה מאנו דעת אותי נאם יהוה׃

קבר פתוח גרונם לשונם יחליקון חמת עכשוב תחת שפתימו׃

אם תמתיק בפיו רעה יכחידנה תחת לשונו׃

הנה יחבל און והרה עמל וילד שקר׃

ראש מסבי עמל שפתימו יכסומו׃

הרה עמל וילד און ובטנם תכין מרמה׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

כן הלשון נצבת בין אברינו המגאלת את כל הגוף ומלהטת את גלגל הויתנו והיא להוטה באש גיהנם׃

אבל הלשון אין אדם יכל לכבשה אין מעצור לרעה הזאת וסם המות מלאה׃

שוא ידברו איש את רעהו שפת חלקות בלב ולב ידברו׃

ואם בא לראות שוא ידבר לבו יקבץ און לו יצא לחוץ ידבר׃

אשר פיהם דבר שוא וימינם ימין שקר׃

פצני והצילני מיד בני נכר אשר פיהם דבר שוא וימינם ימין שקר׃

פעל אוצרות בלשון שקר הבל נדף מבקשי מות׃

שוא ודבר כזב הרחק ממני ראש ועשר אל תתן לי הטריפני לחם חקי׃