למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃

למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

מקוה ישראל מושיעו בעת צרה למה תהיה כגר בארץ וכארח נטה ללון׃

למנצח מזמור לדוד עד אנה יהוה תשכחני נצח עד אנה תסתיר את פניך ממני׃

הביטה ענני יהוה אלהי האירה עיני פן אישן המות׃

אל תסתר פניך ממני אל תט באף עבדך עזרתי היית אל תטשני ואל תעזבני אלהי ישעי׃

יהוה ברצונך העמדתה להררי עז הסתרת פניך הייתי נבהל׃

למה פניך תסתיר תשכח ענינו ולחצנו׃

למה יהוה תזנח נפשי תסתיר פניך ממני׃

למה פניך תסתיר ותחשבני לאויב לך׃

שמאול בעשתו ולא אחז יעטף ימין ולא אראה׃

והוא ישקט ומי ירשע ויסתר פנים ומי ישורנו ועל גוי ועל אדם יחד׃