הן זאת לא צדקת אענך כי ירבה אלוה מאנוש׃

הבט שמים וראה ושור שחקים גבהו ממך׃

אם צדקת מה תתן לו או מה מידך יקח׃

לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃

ויאמר יהוה אל שמואל אל תבט אל מראהו ואל גבה קומתו כי מאסתיהו כי לא אשר יראה האדם כי האדם יראה לעינים ויהוה יראה ללבב׃

מה שהיה כבר נקרא שמו ונודע אשר הוא אדם ולא יוכל לדין עם שהתקיף ממנו׃

הוי רב את יצרו חרש את חרשי אדמה היאמר חמר ליצרו מה תעשה ופעלך אין ידים לו׃

הנה כאריה יעלה מגאון הירדן אל נוה איתן כי ארגיעה אריצנו מעליה ומי בחור אליה אפקד כי מי כמוני ומי יעידני ומי זה רעה אשר יעמד לפני׃

אמנם בן אדם מי אתה אשר תריב את האלהים היאמר יצר ליצרו למה ככה עשיתני׃

כי אם לבבנו ירשיע אתנו האלהים נשגב הוא מלבבנו וידע את כל׃

הנה נא ערכתי משפט ידעתי כי אני אצדק׃

אך שתים אל תעש עמדי אז מפניך לא אסתר׃

וקרא ואנכי אענה או אדבר והשיבני׃

מי יתן ידעתי ואמצאהו אבוא עד תכונתו׃

אדעה מלים יענני ואבינה מה יאמר לי׃

שם ישר נוכח עמו ואפלטה לנצח משפטי׃

ואל תבוא במשפט את עבדך כי לא יצדק לפניך כל חי׃