ויאמר יהוה אל השטן השמת לבך על עבדי איוב כי אין כמהו בארץ איש תם וישר ירא אלהים וסר מרע׃

הלא יראתך כסלתך תקותך ותם דרכיך׃

זכר נא מי הוא נקי אבד ואיפה ישרים נכחדו׃

ויאמרו לאל סור ממנו ודעת דרכיך לא חפצנו׃

מה שדי כי נעבדנו ומה נועיל כי נפגע בו׃

על לא חמס בכפי ותפלתי זכה׃

שנאתי קהל מרעים ועם רשעים לא אשב׃

ארחץ בנקיון כפי ואסבבה את מזבחך יהוה׃

זבח רשעים תועבת יהוה ותפלת ישרים רצונו׃

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

לכן רצוני שיתפללו האנשים בכל מקום וישאו ידיהם קדש בלי כעס ומדון׃

ובזאת נדעה כי מן האמת אנחנו ולפניו נשקיט את לבותינו׃

אהובי אם לבבנו לא ירשיענו בטחון לנו באלהים׃

עורה למה תישן אדני הקיצה אל תזנח לנצח׃

בלי עון ירוצון ויכוננו עורה לקראתי וראה׃

ואתה יהוה אלהים צבאות אלהי ישראל הקיצה לפקד כל הגוים אל תחן כל בגדי און סלה׃

עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

אם תשוב עד שדי תבנה תרחיק עולה מאהלך׃

והיה שדי בצריך וכסף תועפות לך׃

תעתיר אליו וישמעך ונדריך תשלם׃

כי השפילו ותאמר גוה ושח עינים יושע׃

אמרו צדיק כי טוב כי פרי מעלליהם יאכלו׃