השמר לך פן תשכח את יהוה אשר הוציאך מארץ מצרים מבית עבדים׃

השמר לך פן תשכח את יהוה אלהיך לבלתי שמר מצותיו ומשפטיו וחקתיו אשר אנכי מצוך היום׃

ורם לבבך ושכחת את יהוה אלהיך המוציאך מארץ מצרים מבית עבדים׃

והיה אם שכח תשכח את יהוה אלהיך והלכת אחרי אלהים אחרים ועבדתם והשתחוית להם העדתי בכם היום כי אבד תאבדון׃

ישובו רשעים לשאולה כל גוים שכחי אלהים׃

רשע כגבה אפו בל ידרש אין אלהים כל מזמותיו׃

בינו נא זאת שכחי אלוה פן אטרף ואין מציל׃

ותשכח יהוה עשך נוטה שמים ויסד ארץ ותפחד תמיד כל היום מפני חמת המציק כאשר כונן להשחית ואיה חמת המציק׃

ועיני רשעים תכלינה ומנוס אבד מנהם ותקותם מפח נפש׃

גם הוא לי לישועה כי לא לפניו חנף יבוא׃

כי עדת חנף גלמוד ואש אכלה אהלי שחד׃

ינתק מאהלו מבטחו ותצעדהו למלך בלהות׃

כי רננת רשעים מקרוב ושמחת חנף עדי רגע׃

כי מה תקות חנף כי יבצע כי ישל אלוה נפשו׃

אם על שדי יתענג יקרא אלוה בכל עת׃

וחנפי לב ישימו אף לא ישועו כי אסרם׃

תוחלת צדיקים שמחה ותקות רשעים תאבד׃

הפוך רשעים ואינם ובית צדיקים יעמד׃

פחדו בציון חטאים אחזה רעדה חנפים מי יגור לנו אש אוכלה מי יגור לנו מוקדי עולם׃

ואמר אבד נצחי ותוחלתי מיהוה׃

וישסף אתו וישים את חלקו עם החנפים שם תהיה היללה וחרק השנים׃

ויהי עד כה ועד כה בהתאסף רבבות עם עד כי לחצו איש את רעהו ויחל לדבר אל תלמידיו בראשונה השמרו לנפשתיכם משאור הפרושים שהוא החנפה׃

ואין דבר מכסה אשר לא יגלה ואין נעלם אשר לא יודע׃