אף ברי יטריח עב יפיץ ענן אורו׃

בטרם אלך ולא אשוב אל ארץ חשך וצלמות׃

וגבר ימות ויחלש ויגוע אדם ואיו׃

ואיש שכב ולא יקום עד בלתי שמים לא יקיצו ולא יערו משנתם׃

אם ימות גבר היחיה כל ימי צבאי איחל עד בוא חליפתי׃

כי שנות מספר יאתיו וארח לא אשוב אהלך׃

ועתה מת למה זה אני צם האוכל להשיבו עוד אני הלך אליו והוא לא ישוב אלי׃

כי מות נמות וכמים הנגרים ארצה אשר לא יאספו ולא ישא אלהים נפש וחשב מחשבות לבלתי ידח ממנו נדח׃

השע ממני ואבליגה בטרם אלך ואינני׃

אמרתי לא אראה יה יה בארץ החיים לא אביט אדם עוד עם יושבי חדל׃