וימי קלו מני רץ ברחו לא ראו טובה׃

כי שנות מספר יאתיו וארח לא אשוב אהלך׃

ימי עברו זמתי נתקו מורשי לבבי׃

זרמתם שנה יהיו בבקר כחציר יחלף׃

בבקר יציץ וחלף לערב ימולל ויבש׃

ימי כצל נטוי ואני כעשב איבש׃

אנוש כחציר ימיו כציץ השדה כן יציץ׃

כי רוח עברה בו ואיננו ולא יכירנו עוד מקומו׃

אדם להבל דמה ימיו כצל עובר׃

דורי נסע ונגלה מני כאהל רעי קפדתי כארג חיי מדלה יבצעני מיום עד לילה תשלימני׃

שויתי עד בקר כארי כן ישבר כל עצמותי מיום עד לילה תשלימני׃

קול אמר קרא ואמר מה אקרא כל הבשר חציר וכל חסדו כציץ השדה׃

יבש חציר נבל ציץ כי רוח יהוה נשבה בו אכן חציר העם׃

כי זרח השמש בחמתו וייבש את החציר ויבל ציצו וחסד מראהו אבד כן יבול העשיר בהליכותיו׃

ולא תדעו מה ילד יום מחר כי מה חייכם עשן הם אשר נראה כמעט רגע ואחר כלה וילך׃

כי כל בשר חציר וכל כבוד איש כציץ השדה יבש חציר נבל ציץ׃

מה כחי כי איחל ומה קצי כי אאריך נפשי׃

ואיה אפו תקותי ותקותי מי ישורנה׃

ברעתו ידחה רשע וחסה במותו צדיק׃

מנעי רגלך מיחף וגורנך מצמאה ותאמרי נואש לוא כי אהבתי זרים ואחריהם אלך׃

כי אתם בעת ההיא הייתם בלי משיח מוזרים לעדת ישראל ונכרים לבריתות ההבטחה באין תקוה ובאין לכם אלהים בעולם׃

לכן חגרו מתני שכלכם התעוררו וקוו קוה לחסד אשר יבואכם בהתגלות ישוע המשיח׃