אם חטאתי ושמרתני ומעוני לא תנקני׃

כמה לי עונות וחטאות פשעי וחטאתי הדיעני׃

למה פניך תסתיר ותחשבני לאויב לך׃

אל תקצף יהוה עד מאד ואל לעד תזכר עון הן הבט נא עמך כלנו׃

נחנו פשענו ומרינו אתה לא סלחת׃

סכותה בענן לך מעבור תפלה׃

למה לנצח תשכחנו תעזבנו לארך ימים׃

כי אם מאס מאסתנו קצפת עלינו עד מאד׃

ויך לב דוד אתו אחרי כן ספר את העם ויאמר דוד אל יהוה חטאתי מאד אשר עשיתי ועתה יהוה העבר נא את עון עבדך כי נסכלתי מאד׃

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא׃

ישוב ירחמנו יכבש עונתינו ותשליך במצלות ים כל חטאותם׃

קחו עמכם דברים ושובו אל יהוה אמרו אליו כל תשא עון וקח טוב ונשלמה פרים שפתינו׃

ויהי ממחרת וירא יוחנן את ישוע בא אליו ויאמר הנה שה האלהים הנשא חטאת העולם׃

אשר נתן את נפשו בעדנו לגאלנו מכל עול ולטהר לו עם סגלה הזריז במעשים טובים׃

ואם נתודה את חטאתינו נאמן הוא וצדיק לסלח לנו את חטאתינו ולטהרנו מכל עון׃

וידעתם כי הוא נגלה לשאת את חטאינו ובו אין חטא׃

כי עתה שכבתי ואשקוט ישנתי אז ינוח לי׃

לשחת קראתי אבי אתה אמי ואחתי לרמה׃

והוא לקברות יובל ועל גדיש ישקוד׃

מתקו לו רגבי נחל ואחריו כל אדם ימשוך ולפניו אין מספר׃

וישב העפר על הארץ כשהיה והרוח תשוב אל האלהים אשר נתנה׃

יחיו מתיך נבלתי יקומון הקיצו ורננו שכני עפר כי טל אורת טלך וארץ רפאים תפיל׃

ורבים מישני אדמת עפר יקיצו אלה לחיי עולם ואלה לחרפות לדראון עולם׃

ויעבר והנה איננו ואבקשהו ולא נמצא׃

אנוש כחציר ימיו כציץ השדה כן יציץ׃