היפלא מיהוה דבר למועד אשוב אליך כעת חיה ולשרה בן׃

גם מיום אני הוא ואין מידי מציל אפעל ומי ישיבנה׃

אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דבר׃

ויבט בן ישוע ויאמר להם מבני אדם יפלא הדבר אבל מהאלהים לא יפלא כל דבר׃

ויבט בם ישוע ויאמר מבני אדם תפלא זאת אך לא מאלהים כי מאלהים לא יפלא כל דבר׃

ויאמר אבא אבי הכל תוכל העבר נא מעלי את הכוס הזאת אך לא את אשר אני רוצה כי אם את אשר אתה׃

ויאמר מה שיפלא מבני אדם לא יפלא מאלהים׃

הלא אלהים יחקר זאת כי הוא ידע תעלמות לב׃

אתה ידעת שבתי וקומי בנתה לרעי מרחוק׃

אני יהוה חקר לב בחן כליות ולתת לאיש כדרכו כפרי מעלליו׃

כה אמר אדני יהוה והיה ביום ההוא יעלו דברים על לבבך וחשבת מחשבת רעה׃

והוא ישוע לא הפקיד את עצמו בידם על אשר ידע את כלם׃

ולא הצטרך לעדות איש על האדם כי הוא ידע מה בקרב האדם׃

ויאמר אליו פעם שלישית שמעון בן יונה התאהב אתי ויתעצב פטרוס על כי אמר אליו בשלישית התאהב אתי ויאמר אליו אדני את כל אתה יודע וידעת כי אהבתיך ויאמר אליו ישוע רעה את צאני׃

כי דבר האלהים חי הוא ופעל גבורות וחד מחרב פיפיות ונכנס עד להבדיל בין נפש לרוח ובין הדבקים למוח ובחן מחשבות לבב ומזמותיו׃

ואין כל נברא נסתר מנגדו כי הכל חשוף וגלוי לעיני בעל דברים שלנו׃

והוא באחד ומי ישיבנו ונפשו אותה ויעש׃

רבות מחשבות בלב איש ועצת יהוה היא תקום׃

ידעתי כי כל אשר יעשה האלהים הוא יהיה לעולם עליו אין להוסיף וממנו אין לגרע והאלהים עשה שיראו מלפניו׃

כי יהוה צבאות יעץ ומי יפר וידו הנטויה ומי ישיבנה׃

מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

וכל דארי ארעא כלה חשיבין וכמצביה עבד בחיל שמיא ודארי ארעא ולא איתי די ימחא בידה ויאמר לה מה עבדת׃

אשר גם לקחנו בו נחלתנו אנחנו המיעדים לה מאז במחשבת פעל הכל כעצת חפצו׃