על כן אמאס ונחמתי על עפר ואפר׃

ויען אברהם ויאמר הנה נא הואלתי לדבר אל אדני ואנכי עפר ואפר׃

קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנות׃

ויך לב דוד אתו אחרי כן ספר את העם ויאמר דוד אל יהוה חטאתי מאד אשר עשיתי ועתה יהוה העבר נא את עון עבדך כי נסכלתי מאד׃

והוא הלך במדבר דרך יום ויבא וישב תחת רתם אחת וישאל את נפשו למות ויאמר רב עתה יהוה קח נפשי כי לא טוב אנכי מאבתי׃

ואמרה אלהי בשתי ונכלמתי להרים אלהי פני אליך כי עונתינו רבו למעלה ראש ואשמתנו גדלה עד לשמים׃

יהוה אלהי ישראל צדיק אתה כי נשארנו פליטה כהיום הזה הננו לפניך באשמתינו כי אין לעמוד לפניך על זאת׃

ואתה צדיק על כל הבא עלינו כי אמת עשית ואנחנו הרשענו׃

לך לבדך חטאתי והרע בעיניך עשיתי למען תצדק בדברך תזכה בשפטך׃

הן בעוון חוללתי ובחטא יחמתני אמי׃

ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות ראו עיני׃

כלנו כצאן תעינו איש לדרכו פנינו ויהוה הפגיע בו את עון כלנו׃

ונהי כטמא כלנו וכבגד עדים כל צדקתינו ונבל כעלה כלנו ועוננו כרוח ישאנו׃

חטאנו ועוינו והרשענו ומרדנו וסור ממצותך וממשפטיך׃

לך אדני הצדקה ולנו בשת הפנים כיום הזה לאיש יהודה וליושבי ירושלם ולכל ישראל הקרבים והרחקים בכל הארצות אשר הדחתם שם במעלם אשר מעלו בך׃

ויהי כראות שמעון פטרוס את זאת ויפל לברכי ישוע ויאמר אדני צא נא מעמי כי איש חוטא אנכי׃

אקומה נא ואלכה אל אבי ואמר אליו אבי חטאתי לשמים ולפניך׃

ונקלתי מהקרא עוד בנך שימני כאשר שכיריך׃

והמוכס היה עמד מרחוק ולא אבה אף לשאת את עיניו לשמים כי אם תופף על לבו לאמר אלהים סלח לי החוטא׃

נאמן הדבר וראוי להתקבל על כל כי המשיח ישוע בא לעולם להושיע את החטאים אשר אנכי הגדול בהם׃

אז בשחת תטבלני ותעבוני שלמותי׃

לא יש בינינו מוכיח ישת ידו על שנינו׃

אדברה ולא איראנו כי לא כן אנכי עמדי׃

ויוכח לגבר עם אלוה ובן אדם לרעהו׃

אערכה לפניו משפט ופי אמלא תוכחות׃

הברב כח יריב עמדי לא אך הוא ישם בי׃

מספר צעדי אגידנו כמו נגיד אקרבנו׃

פנו אלי והשמו ושימו יד על פה׃

שרים עצרו במלים וכף ישימו לפיהם׃

ויאמרו לו החרש שים ידך על פיך ולך עמנו והיה לנו לאב ולכהן הטוב היותך כהן לבית איש אחד או היותך כהן לשבט ולמשפחה בישראל׃

נאלמתי לא אפתח פי כי אתה עשית׃

אם נבלת בהתנשא ואם זמות יד לפה׃

יראו גוים ויבשו מכל גבורתם ישימו יד על פה אזניהם תחרשנה׃

ויהוה בהיכל קדשו הס מפניו כל הארץ׃

הס כל בשר מפני יהוה כי נעור ממעון קדשו׃