וכתתו גוי בגוי ועיר בעיר כי אלהים הממם בכל צרה׃

דורי נסע ונגלה מני כאהל רעי קפדתי כארג חיי מדלה יבצעני מיום עד לילה תשלימני׃

שויתי עד בקר כארי כן ישבר כל עצמותי מיום עד לילה תשלימני׃

אם ימות גבר היחיה כל ימי צבאי איחל עד בוא חליפתי׃

כי שנות מספר יאתיו וארח לא אשוב אהלך׃

השע ממני ואבליגה בטרם אלך ואינני׃

בפרח רשעים כמו עשב ויציצו כל פעלי און להשמדם עדי עד׃

זכרו אבד מני ארץ ולא שם לו על פני חוץ׃

כגללו לנצח יאבד ראיו יאמרו איו׃

בן שלשים ושתים היה במלכו ושמונה שנים מלך בירושלם וילך בלא חמדה ויקברהו בעיר דויד ולא בקברות המלכים׃

ויעבר והנה איננו ואבקשהו ולא נמצא׃

זכר צדיק לברכה ושם רשעים ירקב׃