מפר מחשבות ערומים ולא תעשינה ידיהם תושיה׃

האמר לחרס ולא יזרח ובעד כוכבים יחתם׃

זכר כי תשגיא פעלו אשר שררו אנשים׃

לכו חזו מפעלות יהוה אשר שם שמות בארץ׃

וייראו כל אדם ויגידו פעל אלהים ומעשהו השכילו׃

כי שמחתני יהוה בפעלך במעשי ידיך ארנן׃

וידעו כי ידך זאת אתה יהוה עשיתה׃

גדלים מעשי יהוה דרושים לכל חפציהם׃

וראיתי את כל מעשה האלהים כי לא יוכל האדם למצוא את המעשה אשר נעשה תחת השמש בשל אשר יעמל האדם לבקש ולא ימצא וגם אם יאמר החכם לדעת לא יוכל למצא׃

והיה כנור ונבל תף וחליל ויין משתיהם ואת פעל יהוה לא יביטו ומעשה ידיו לא ראו׃

יהוה רמה ידך בל יחזיון יחזו ויבשו קנאת עם אף אש צריך תאכלם׃