Job 34:13-33
13
מי פקד עליו ארצה ומי שם תבל כלה׃
14
אם ישים אליו לבו רוחו ונשמתו אליו יאסף׃
15
יגוע כל בשר יחד ואדם על עפר ישוב׃
16
ואם בינה שמעה זאת האזינה לקול מלי׃
17
האף שונא משפט יחבוש ואם צדיק כביר תרשיע׃
18
האמר למלך בליעל רשע אל נדיבים׃
19
אשר לא נשא פני שרים ולא נכר שוע לפני דל כי מעשה ידיו כלם׃
20
רגע ימתו וחצות לילה יגעשו עם ויעברו ויסירו אביר לא ביד׃
21
כי עיניו על דרכי איש וכל צעדיו יראה׃
22
אין חשך ואין צלמות להסתר שם פעלי און׃
23
כי לא על איש ישים עוד להלך אל אל במשפט׃
24
ירע כבירים לא חקר ויעמד אחרים תחתם׃
25
לכן יכיר מעבדיהם והפך לילה וידכאו׃
26
תחת רשעים ספקם במקום ראים׃
27
אשר על כן סרו מאחריו וכל דרכיו לא השכילו׃
28
להביא עליו צעקת דל וצעקת עניים ישמע׃
29
והוא ישקט ומי ירשע ויסתר פנים ומי ישורנו ועל גוי ועל אדם יחד׃
30
ממלך אדם חנף ממקשי עם׃
31
כי אל אל האמר נשאתי לא אחבל׃
32
בלעדי אחזה אתה הרני אם עול פעלתי לא אסיף׃
33
המעמך ישלמנה כי מאסת כי אתה תבחר ולא אני ומה ידעת דבר׃
Esaïe 40:13
מי תכן את רוח יהוה ואיש עצתו יודיענו׃
Esaïe 40:14
את מי נועץ ויבינהו וילמדהו בארח משפט וילמדהו דעת ודרך תבונות יודיענו׃
Romains 11:34
כי מי תכן את רוח יהוה ואיש עצתו יודיענו׃
1 Corinthiens 2:16
כי מי תכן את רוח יהוה ומי יודיענו ואנחנו הנה יש לנו רוח המשיח׃
Ephésiens 1:11
אשר גם לקחנו בו נחלתנו אנחנו המיעדים לה מאז במחשבת פעל הכל כעצת חפצו׃
Job 8:3
האל יעות משפט ואם שדי יעות צדק׃
Job 34:10
לכן אנשי לבב שמעו לי חללה לאל מרשע ושדי מעול׃
Job 40:8
האף תפר משפטי תרשיעני למען תצדק׃
Romains 2:5
ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃
Romains 3:5
ואם עולתנו תרומם את צדקת האלהים מה נאמר הכי יש עול באלהים המשלח חרון אפו לפי דרך בני אדם אנכי מדבר׃
Romains 9:14
אם כן מה נאמר הכי יש עול באלהים חלילה׃