ויאמר אליה כדבר אחת הנבלות תדברי גם את הטוב נקבל מאת האלהים ואת הרע לא נקבל בכל זאת לא חטא איוב בשפתיו׃

בדיך מתים יחרישו ותלעג ואין מכלם׃

כי יאלף עונך פיך ותבחר לשון ערומים׃

אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃

לא ישבתי עם מתי שוא ועם נעלמים לא אבוא׃

אם ראית גנב ותרץ עמו ועם מנאפים חלקך׃

הנה אלה רשעים ושלוי עולם השגו חיל׃

ואהי נגוע כל היום ותוכחתי לבקרים׃

בני אל תלך בדרך אתם מנע רגלך מנתיבתם׃

להצילך מדרך רע מאיש מדבר תהפכות׃

בארח רשעים אל תבא ואל תאשר בדרך רעים׃

הלוך את חכמים וחכם ורעה כסילים ירוע׃

אל נא תתעו חברת אנשים רעים משחתת מדות טבות׃