אמר אל אלוה אל תרשיעני הודיעני על מה תריבני׃

שגיאות מי יבין מנסתרות נקני׃

דרכיך יהוה הודיעני ארחותיך למדני׃

הדריכני באמתך ולמדני כי אתה אלהי ישעי אותך קויתי כל היום׃

אשכילך ואורך בדרך זו תלך איעצה עליך עיני׃

חקרני אל ודע לבבי בחנני ודע שרעפי׃

וראה אם דרך עצב בי ונחני בדרך עולם׃

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃

למדני לעשות רצונך כי אתה אלוהי רוחך טובה תנחני בארץ מישור׃

מכסה פשעיו לא יצליח ומודה ועזב ירחם׃

לכן עשו פרי הראוי לתשובה ואל תדמו בנפשכם לאמר אברהם הוא אבינו כי אני אמר לכם כי מן האבנים האלה יכל האלהים להקים בנים לאברהם׃

וישאלהו המון העם לאמר מה אפוא נעשה׃

ויבאו גם מוכסים להטבל ויאמרו אליו רבי מה נעשה׃

וישאלהו גם אנשי הצבא לאמר ואנחנו מה נעשה ויאמר אליהם איש אל תזעזעו ואל תלשינו איש ויהי די לכם בשכרכם׃

אשר תסורו מדרכיכם הראשנים ותפשטו את האדם הישן הנשחת בתאות התרמית׃

על כן הסירו מכם את השקר ודברו אמת איש את רעהו כי אברים כלנו יחד איש לאיש׃

גם לא תתנו מקום לשטן׃