זכר כי רוח חיי לא תשוב עיני לראות טוב׃

רוחי חבלה ימי נזעכו קברים לי׃

אם אקוה שאול ביתי בחשך רפדתי יצועי׃

ואיה אפו תקותי ותקותי מי ישורנה׃

יהוה ממית ומחיה מוריד שאול ויעל׃

יהוה העלית מן שאול נפשי חייתני מיורדי בור׃

כי שבעה ברעות נפשי וחיי לשאול הגיעו׃

במתים חפשי כמו חללים שכבי קבר אשר לא זכרתם עוד והמה מידך נגזרו׃

אני אמרתי בדמי ימי אלכה בשערי שאול פקדתי יתר שנותי׃

קול פחדים באזניו בשלום שודד יבואנו׃

ועבר יהוה לנגף את מצרים וראה את הדם על המשקוף ועל שתי המזוזת ופסח יהוה על הפתח ולא יתן המשחית לבא אל בתיכם לנגף׃

וישלח ידו המלאך ירושלם לשחתה וינחם יהוה אל הרעה ויאמר למלאך המשחית בעם רב עתה הרף ידך ומלאך יהוה היה עם גרן האורנה היבסי׃

לפעלות אדם בדבר שפתיך אני שמרתי ארחות פריץ׃

ויכהו מלאך יהוה פתאם עקב אשר לא נתן הכבוד לאלהים ויאכלהו תולעים ויגוע׃

גם לא תלינו כאשר הלינו מקצתם וימותו ביד המשחית׃

ומלאך התהום הוא מלך עליהם ושמו אבדון בעברית והוא אפוליון בלשון יון׃