ואני בחלותם לבושי שק עניתי בצום נפשי ותפלתי על חיקי תשוב׃

כרע כאח לי התהלכתי כאבל אם קדר שחותי׃

ואם לא תשמעוה במסתרים תבכה נפשי מפני גוה ודמע תדמע ותרד עיני דמעה כי נשבה עדר יהוה׃

הישלם תחת טובה רעה כי כרו שוחה לנפשי זכר עמדי לפניך לדבר עליהם טובה להשיב את חמתך מהם׃

ויהי כאשר קרב וירא את העיר ויבך עליה לאמר׃

ויבך ישוע׃

שמחו עם השמחים ובכו עם הבכים׃

אם אמנע מחפץ דלים ועיני אלמנה אכלה׃

כי מנעורי גדלני כאב ומבטן אמי אנחנה׃

אם לא ברכוני חלצו ומגז כבשי יתחמם׃

למנצח על השמינית מזמור לדוד הושיעה יהוה כי גמר חסיד כי פסו אמונים מבני אדם׃

בז לרעהו חוטא ומחונן עניים אשריו׃

עשק דל חרף עשהו ומכבדו חנן אביון׃

לעג לרש חרף עשהו שמח לאיד לא ינקה׃

מלוה יהוה חונן דל וגמלו ישלם לו׃

מרבה הונו בנשך ובתרבית לחונן דלים יקבצנו׃

הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם׃

אז יבקע כשחר אורך וארכתך מהרה תצמח והלך לפניך צדקך כבוד יהוה יאספך׃

להן מלכא מלכי ישפר עליך וחטיך בצדקה פרק ועויתך במחן ענין הן תהוא ארכה לשלותך׃

ככתוב פזר נתן לאביונים צדקתו עמדת לעד׃