יהיו כתבן לפני רוח וכמץ גנבתו סופה׃

לא כן הרשעים כי אם כמץ אשר תדפנו רוח׃

לאמים כשאון מים רבים ישאון וגער בו ונס ממרחק ורדף כמץ הרים לפני רוח וכגלגל לפני סופה׃

בעת ההיא יאמר לעם הזה ולירושלם רוח צח שפיים במדבר דרך בת עמי לוא לזרות ולוא להבר׃

רוח מלא מאלה יבוא לי עתה גם אני אדבר משפטים אותם׃

שלשית באור תבעיר בתוך העיר כמלאת ימי המצור ולקחת את השלשית תכה בחרב סביבותיה והשלשית תזרה לרוח וחרב אריק אחריהם׃

צרר רוח אותה בכנפיה ויבשו מזבחותם׃

לכן יהיו כענן בקר וכטל משכים הלך כמץ יסער מגרן וכעשן מארבה׃

וירכב על כרוב ויעף וידא על כנפי רוח׃

המקרה במים עליותיו השם עבים רכובו המהלך על כנפי רוח׃