אחי מעלי הרחיק וידעי אך זרו ממני׃

גרי ביתי ואמהתי לזר תחשבני נכרי הייתי בעיניהם׃

רוחי זרה לאשתי וחנתי לבני בטני׃

תעבוני כל מתי סודי וזה אהבתי נהפכו בי׃

ראוני נערים ונחבאו וישישים קמו עמדו׃

קול נגידים נחבאו ולשונם לחכם דבקה׃

ויעל משם בית אל והוא עלה בדרך ונערים קטנים יצאו מן העיר ויתקלסו בו ויאמרו לו עלה קרח עלה קרח׃

ונגש העם איש באיש ואיש ברעהו ירהבו הנער בזקן והנקלה בנכבד׃

ובצלעי שמחו ונאספו נאספו עלי נכים ולא ידעתי קרעו ולא דמו׃

בחנפי לעגי מעוג חרק עלי שנימו׃

ישיחו בי ישבי שער ונגינות שותי שכר׃

ויחלו מהם לרק בו ויחפו את פניו ויכהו באגרף ויאמרו אליו הנבא והמשרתים הכאיבהו בהכותם אותו על הלחי׃

וילבישהו ארגמן וישרגו עטרת קצים ויעטרהו׃

ויכו על ראשו בקנה וירקו בו ויכרעו על ברכיהם וישתחוו לו׃

ויאמר אליהם הבאתם לפני את האיש הזה כמסית את העם והנה אני חקרתיו לעיניכם ולא מצאתי באיש הזה אשמת מאומה מן הדברים אשר אתם טוענים עליו׃

ויצעקו כל המונם ויאמרו הסר את זה ופטר לנו את בר אבא׃

והעם עמד שם וראה וילעגו לו השרים לאמר את אחרים הושיע יושע נא את נפשו אם הוא המשיח בחיר האלהים׃

ואחד מאנשי הבליעל התלוים גדפו לאמר הלא אתה המשיח הושע את עצמך ואתנו׃

ויקנאו הסוררים שביהודים ויקחו להם אנשי בליעל מבטלני השוק ויקבצו המון ויהמו את העיר ויסבו על בית יסון ויבקשו להביאם חוצה אל העם׃

וכבר אמר אחד מהם נביאם אשר בתוכם בני קריטי כזבים הם מעולם וחיות רעות וכרשים עצלים׃