כמה לא תשעה ממני לא תרפני עד בלעי רקי׃

האכלתם לחם דמעה ותשקמו בדמעות שליש׃

כי אפר כלחם אכלתי ושקוי בבכי מסכתי׃

למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃

אלהי אקרא יומם ולא תענה ולילה ולא דומיה לי׃

כי החרשתי בלו עצמי בשאגתי כל היום׃

נפוגותי ונדכיתי עד מאד שאגתי מנהמת לבי׃

נהמה כדבים כלנו וכיונים הגה נהגה נקוה למשפט ואין לישועה רחקה ממנו׃

גם כי אזעק ואשוע שתם תפלתי׃