לא יתן סגור תחתיה ולא ישקל כסף מחירה׃

לא יערכנה זהב וזכוכית ותמורתה כלי פז׃

לא יערכנה פטדת כוש בכתם טהור לא תסלה׃

הנחמדים מזהב ומפז רב ומתוקים מדבש ונפת צופים׃

טוב לי תורת פיך מאלפי זהב וכסף׃

כי טוב סחרה מסחר כסף ומחרוץ תבואתה׃

יקרה היא מפניים וכל חפציך לא ישוו בה׃

כי טובה חכמה מפנינים וכל חפצים לא ישוו בה׃

עשר וכבוד אתי הון עתק וצדקה׃

טוב פריי מחרוץ ומפז ותבואתי מכסף נבחר׃

קנה חכמה מה טוב מחרוץ וקנות בינה נבחר מכסף׃

אמת קנה ואל תמכר חכמה ומוסר ובינה׃

כאשר נתתי את לבי לדעת חכמה ולראות את הענין אשר נעשה על הארץ כי גם ביום ובלילה שנה בעיניו איננו ראה׃

וראיתי את כל מעשה האלהים כי לא יוכל האדם למצוא את המעשה אשר נעשה תחת השמש בשל אשר יעמל האדם לבקש ולא ימצא וגם אם יאמר החכם לדעת לא יוכל למצא׃

ונעלמה מעיני כל חי ומעוף השמים נסתרה׃

אבדון ומות אמרו באזנינו שמענו שמעה׃

גם אל יתצך לנצח יחתך ויסחך מאהל ושרשך מארץ חיים סלה׃

אמרתי לא אראה יה יה בארץ החיים לא אביט אדם עוד עם יושבי חדל׃

מעצר וממשפט לקח ואת דורו מי ישוחח כי נגזר מארץ חיים מפשע עמי נגע למו׃