האם אין עזרתי בי ותשיה נדחה ממני׃

גם לי לבב כמוכם לא נפל אנכי מכם ואת מי אין כמו אלה׃

מי יתן החרש תחרישון ותהי לכם לחכמה׃

הבסוד אלוה תשמע ותגרע אליך חכמה׃

גם שב גם ישיש בנו כביר מאביך ימים׃

ואולם כלם תשבו ובאו נא ולא אמצא בכם חכם׃

הן הוחלתי לדבריכם אזין עד תבונתיכם עד תחקרון מלין׃

פן תאמרו מצאנו חכמה אל ידפנו לא איש׃

ישר לבי אמרי ודעת שפתי ברור מללו׃

אם אין אתה שמע לי החרש ואאלפך חכמה׃

מי זה מחשיך עצה במלין בלי דעת׃

למנצח לבני קרח מזמור שמעו זאת כל העמים האזינו כל ישבי חלד׃

פי ידבר חכמות והגות לבי תבונות׃

פי יספר צדקתך כל היום תשועתך כי לא ידעתי ספרות׃

אלהים למדתני מנעורי ועד הנה אגיד נפלאותיך׃

שמעו כי נגידים אדבר ומפתח שפתי מישרים׃

בצדק כל אמרי פי אין בהם נפתל ועקש׃

איך לא כחדתי מכם כל דבר תועלת והגדתיו לכם ולמדתי אתכם ברבים ובכל בית ובית׃

כי לא כחדתי מהגיד לכם את עצת האלהים כלה׃