Job 12:2
אמנם כי אתם עם ועמכם תמות חכמה׃
1 Rois 18:27
ויהי בצהרים ויהתל בהם אליהו ויאמר קראו בקול גדול כי אלהים הוא כי שיח וכי שיג לו וכי דרך לו אולי ישן הוא ויקץ׃
Job 4:3
הנה יסרת רבים וידים רפות תחזק׃
Job 4:4
כושל יקימון מליך וברכים כרעות תאמץ׃
Job 6:25
מה נמרצו אמרי ישר ומה יוכיח הוכח מכם׃
Job 16:4
גם אנכי ככם אדברה לו יש נפשכם תחת נפשי אחבירה עליכם במלים ואניעה עליכם במו ראשי׃
Job 16:5
אאמצכם במו פי וניד שפתי יחשך׃
Esaïe 35:3
חזקו ידים רפות וברכים כשלות אמצו׃
Esaïe 35:4
אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישעכם׃
Esaïe 40:14
את מי נועץ ויבינהו וילמדהו בארח משפט וילמדהו דעת ודרך תבונות יודיענו׃
Esaïe 41:5-7
5
ראו איים וייראו קצות הארץ יחרדו קרבו ויאתיון׃
6
איש את רעהו יעזרו ולאחיו יאמר חזק׃
7
ויחזק חרש את צרף מחליק פטיש את הולם פעם אמר לדבק טוב הוא ויחזקהו במסמרים לא ימוט׃