אמנם ידעתי כי כן ומה יצדק אנוש עם אל׃

חכם לבב ואמיץ כח מי הקשה אליו וישלם׃

המרגיז ארץ ממקומה ועמודיה יתפלצון׃

נטה שמים לבדו ודורך על במתי ים׃

עשה גדלות עד אין חקר ונפלאות עד אין מספר׃

הרפאים יחוללו מתחת מים ושכניהם׃

נטה צפון על תהו תלה ארץ על בלי מה׃

מאחז פני כסה פרשז עליו עננו׃

עמודי שמים ירופפו ויתמהו מגערתו׃

ברוחו שמים שפרה חללה ידו נחש בריח׃

ואם זרוע כאל לך ובקול כמהו תרעם׃

הפץ עברות אפך וראה כל גאה והשפילהו׃

טמנם בעפר יחד פניהם חבש בטמון׃

לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש׃

והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל׃

יהוה מלך ירגזו עמים ישב כרובים תנוט הארץ׃

יודו שמך גדול ונורא קדוש הוא׃

מאין כמוך יהוה גדול אתה וגדול שמך בגבורה׃

מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃

ולקצת יומיה אנה נבוכדנצר עיני לשמיא נטלת ומנדעי עלי יתוב ולעליא ברכת ולחי עלמא שבחת והדרת די שלטנה שלטן עלם ומלכותה עם דר ודר׃

בה זמנא מנדעי יתוב עלי וליקר מלכותי הדרי וזוי יתוב עלי ולי הדברי ורברבני יבעון ועל מלכותי התקנת ורבו יתירה הוספת לי׃

ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן׃

ויגש ישוע וידבר אליהם לאמר נתן לי כל שלטן בשמים ובארץ׃

אשר פעל במשיח בהעיר אתו מן המתים ויושיבנו לימינו במרומים׃

ממעל לכל שררה ושלטן וגבורה וממשלה וכל הנקרא בשם לא לבד בעולם הזה כי אם גם בעולם הבא׃

לאלהים אשר לו לבדו החכמה המושיע אתנו לו הכבוד והגדלה והעז והממשלה מעתה ולעולמי עד אמן׃

ויאמרו אל ההרים ואל הסלעים נפלו עלינו וכסונו מפני הישב על הכסא ומפני חמת השה׃

כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃

בורא נוב שפתים שלום שלום לרחוק ולקרוב אמר יהוה ורפאתיו׃

אשרי רדפי שלום כי בני אלהים יקראו׃

והכל מאת האלהים המרצה אתנו לעצמו על ידי ישוע המשיח ויתן לנו שרות הרצוי׃

לכן מליצי המשיח אנחנו וכאלו האלהים מזהיר אתכם על ידנו נבקש מכם בעד המשיח התרצו נא אל האלהים׃

וירצה את שניהם בגוף אחד לאלהים על ידי צליבתו בהמיתו בנפשו את האיבה׃

ויבא ויבשר שלום לכם הרחוקים והקרובים׃

ולרצות אל עצמו את הכל על ידו בעשותו שלום בדם צלבו על ידו הן אשר בארץ הן אשר בשמים׃