כי קנאתי בהוללים שלום רשעים אראה׃

בעמל אנוש אינמו ועם אדם לא ינגעו׃

יצא מחלב עינמו עברו משכיות לבב׃

שתו בשמים פיהם ולשונם תהלך בארץ׃

ואמרו איכה ידע אל ויש דעה בעליון׃

צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃

ואתה יהוה ידעתני תראני ובחנת לבי אתך התקם כצאן לטבחה והקדשם ליום הרגה׃

אשר אין נעשה פתגם מעשה הרעה מהרה על כן מלא לב בני האדם בהם לעשות רע׃

כי יאמר הלא שרי יחדו מלכים׃

כאשר מצאה ידי לממלכת האליל ופסיליהם מירושלם ומשמרון׃

אתיו אקחה יין ונסבאה שכר והיה כזה יום מחר גדול יתר מאד׃

וישא משלו ויאמר אליהם לאמר שדה איש עשיר אחד עשה תבואה הרבה׃

ויאמר את זאת אעשה הרס את אסמי ובנה גדולים מהם ואכנסה שמה את כל יבולי וטובי׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

כי בעת אמרם שלום ושלוה יבא עליהם השבר פתאם כחבלים על ההרה ולא יוכלו להמלט׃

על מה נאץ רשע אלהים אמר בלבו לא תדרש׃

ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃

יהוה בהיכל קדשו יהוה בשמים כסאו עיניו יחזו עפעפיו יבחנו בני אדם׃

יהוה צדיק יבחן ורשע ואהב חמס שנאה נפשו׃

כי נכח עיני יהוה דרכי איש וכל מעגלתיו מפלס׃

בכל מקום עיני יהוה צפות רעים וטובים׃

אם רעב שנאך האכלהו לחם ואם צמא השקהו מים׃

רוח צפון תחולל גשם ופנים נזעמים לשון סתר׃

אם עשק רש וגזל משפט וצדק תראה במדינה אל תתמה על החפץ כי גבה מעל גבה שמר וגבהים עליהם׃

נשבע יהוה בגאון יעקב אם אשכח לנצח כל מעשיהם׃

אם יחתרו בשאול משם ידי תקחם ואם יעלו השמים משם אורידם׃

טהור עינים מראות רע והביט אל עמל לא תוכל למה תביט בוגדים תחריש בבלע רשע צדיק ממנו׃

והרגתי במות את בניה וידעו כל הקהלות כי אני חקר כליות ולב ונתתי לכם לכל איש כפרי מעלליו׃