וידעתי אלהי כי אתה בחן לבב ומישרים תרצה אני בישר לבבי התנדבתי כל אלה ועתה עמך הנמצאו פה ראיתי בשמחה להתנדב לך׃

לא בגבורת הסוס יחפץ לא בשוקי האיש ירצה׃

רוצה יהוה את יראיו את המיחלים לחסדו׃

מאזני מרמה תועבת יהוה ואבן שלמה רצונו׃

תועבת יהוה עקשי לב ורצונו תמימי דרך׃

תועבת יהוה שפתי שקר ועשי אמונה רצונו׃

זבח רשעים תועבת יהוה ותפלת ישרים רצונו׃

הוגעתם יהוה בדבריכם ואמרתם במה הוגענו באמרכם כל עשה רע טוב בעיני יהוה ובהם הוא חפץ או איה אלהי המשפט׃

ואני קבלתי את הכל ויש לי די והותר ואני נמלאתי ריח ניחח בקבלי מידי אפפרודיטוס את כל אשר שלחתם זבח ערב ורצוי לאלהים׃

כי ידע דרך עמדי בחנני כזהב אצא׃

מצות שפתיו ולא אמיש מחקי צפנתי אמרי פיו׃

למנצח לידיתון מזמור לדוד אמרתי אשמרה דרכי מחטוא בלשוני אשמרה לפי מחסום בעד רשע לנגדי׃

אף לא פעלו עולה בדרכיו הלכו׃

אחלי יכנו דרכי לשמר חקיך׃

ובזאת גם עמלתי להיות תמים לב לאלהים ולאדם תמיד׃

לכן חביבי בהיות לנו ההבטחות האלה נטהרה את עצמנו מכל טמאת בשר ורוח להשלים קדשתנו ביראת אלהים׃