גם אור רשעים ידעך ולא יגה שביב אשו׃

אור חשך באהלו ונרו עליו ידעך׃

ואל ארץ יביט והנה צרה וחשכה מעוף צוקה ואפלה מנדח׃

אבל בני המלכות המה יגרשו אל החשך החיצון שם תהיה היללה וחרוק השנים׃

משברי ים עזים אשר יגרשו בשתם ככבים תעים אשר חשך אפלה צפון להם עדי עד׃

תשיתמו כתנור אש לעת פניך יהוה באפו יבלעם ותאכלם אש׃

חצי גבור שנונים עם גחלי רתמים׃

כי ערוך מאתמול תפתה גם הוא למלך הוכן העמיק הרחב מדרתה אש ועצים הרבה נשמת יהוה כנחל גפרית בערה בה׃

אשר בידו המזרה וזרה את גרנו ואסף את דגנו אל אוצרו ואת המץ ישרפנו באש אשר לא תכבה׃

לא נין לו ולא נכד בעמו ואין שריד במגוריו׃

יהיו נגד יהוה תמיד ויכרת מארץ זכרם׃

יהי אחריתו להכרית בדור אחר ימח שמם׃

ינקש נושה לכל אשר לו ויבזו זרים יגיעו׃

יהיו בניו יתומים ואשתו אלמנה׃

וקמתי עליהם נאם יהוה צבאות והכרתי לבבל שם ושאר ונין ונכד נאם יהוה׃

לא תחד אתם בקבורה כי ארצך שחת עמך הרגת לא יקרא לעולם זרע מרעים׃