במלאות שפקו יצר לו כל יד עמל תבואנו׃

יברח מנשק ברזל תחלפהו קשת נחושה׃

כל חשך טמון לצפוניו תאכלהו אש לא נפח ירע שריד באהלו׃

יגל יבול ביתו נגרות ביום אפו׃

הארח עולם תשמר אשר דרכו מתי און׃

האמרים לאל סור ממנו ומה יפעל שדי למו׃

יראו צדיקים וישמחו ונקי ילעג למו׃

אם יצבר כעפר כסף וכחמר יכין מלבוש׃

יכין וצדיק ילבש וכסף נקי יחלק׃

אל תירא כי יעשר איש כי ירבה כבוד ביתו׃

כי לא במותו יקח הכל לא ירד אחריו כבודו׃

ואמר לנפשי נפשי יש לך עתודות הרבה לשנים רבות הנפשי אכלי שתי ושישי׃

זה חלק האצר לו אצרות ולא יעשיר באלהים׃

ויקרא אתו ויאמר אליו מה זאת שמעתי עליך תן חשבון פקדתך כי לא תוכל להיות עוד פקיד׃

איש עשיר היה והוא לבוש ארגמן ושש ויתעגג וישמח יום יום׃

ויתאו לשבע מן הפרורים הנפלים מעל שלחן העשיר וגם הכלבים באו וילקו אבעבעותיו׃

כי זרח השמש בחמתו וייבש את החציר ויבל ציצו וחסד מראהו אבד כן יבול העשיר בהליכותיו׃

הוי העשירים בכו והילילו על הצרות אשר תבאנה עליכם׃

זהבכם וכספכם כסתם חלאה והיתה חלאתם בכם לעדות ואכלה כמו אש את בשרכם אצרתם לכם אוצרות בקץ הימים׃