אמנם ידעתי כי כן ומה יצדק אנוש עם אל׃

מי יתן טהור מטמא לא אחד׃

ומה יצדק אנוש עם אל ומה יזכה ילוד אשה׃

אף כי אנוש רמה ובן אדם תולעה׃

כי יחטאו לך כי אין אדם אשר לא יחטא ואנפת בם ונתתם לפני אויב ושבום שביהם אל ארץ האויב רחוקה או קרובה׃

כי יחטאו לך כי אין אדם אשר לא יחטא ואנפת בם ונתתם לפני אויב ושבום שוביהם אל ארץ רחוקה או קרובה׃

הכל סר יחדו נאלחו אין עשה טוב אין גם אחד׃

הן בעוון חוללתי ובחטא יחמתני אמי׃

מי יאמר זכיתי לבי טהרתי מחטאתי׃

כי אדם אין צדיק בארץ אשר יעשה טוב ולא יחטא׃

לבד ראה זה מצאתי אשר עשה האלהים את האדם ישר והמה בקשו חשבנות רבים׃

הנולד מן הבשר בשר הוא והנולד מן הרוח רוח הוא׃

כי ידעתי אשר בי בבשרי לא ישב טוב הן הרצון יש עמדי אבל עשות הטוב לא מצאתי׃

אבל הכתוב סגר את הכל ביד החטא למען תנתן ההבטחה אל המאמינים באמונת ישוע המשיח׃

אשר התהלכתם בהם לפי דור העולם הזה כרצון שר ממשלת האויר והוא הרוח הפעל כעת בבני המרי׃

וגם אנחנו כלנו בתוכם הלכנו לפנים בתאות הבשר לעשות חפצי בשרנו ומחשבותינו ונהי אך בני רגז בטבענו כאשר בני אדם׃

אם נאמר כי אין בנו חטא הננו מתעים את נפשתינו והאמת אין בנו׃

ואם נאמר כי לא חטאנו לכזב נשימנו ודברו אין בנו׃