הלא אלוה גבה שמים וראה ראש כוכבים כי רמו׃

הבט שמים וראה ושור שחקים גבהו ממך׃

כי האמנם ישב אלהים את האדם על הארץ הנה שמים ושמי השמים לא יכלכלוך אף כי הבית הזה אשר בניתי׃

כי כגבה שמים על הארץ גבר חסדו על יראיו׃

יהללו את שם יהוה כי נשגב שמו לבדו הודו על ארץ ושמים׃

כבד אלהים הסתר דבר וכבד מלכים חקר דבר׃

שמים לרום וארץ לעמק ולב מלכים אין חקר׃

כי גבהו שמים מארץ כן גבהו דרכי מדרכיכם ומחשבתי ממחשבתיכם׃

ערום שאול נגדו ואין כסות לאבדון׃

פלאיה דעת ממני נשגבה לא אוכל לה׃

אם אסק שמים שם אתה ואציעה שאול הנך׃

אם יחתרו בשאול משם ידי תקחם ואם יעלו השמים משם אורידם׃

למען תוכלו להשיג עם כל הקדשים מה הוא הרחב והארך והעמק והגבה׃

וידעתם את אהבת המשיח הנעלה על כל דעת ונמלאתם את כל מלוא האלהים׃