מה כחי כי איחל ומה קצי כי אאריך נפשי׃

ימי קלו מני ארג ויכלו באפס תקוה׃

תעתיר אליו וישמעך ונדריך תשלם׃

כי השפילו ותאמר גוה ושח עינים יושע׃

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃

ברעתו ידחה רשע וחסה במותו צדיק׃

ולא זאת בלבד כי אף נתהלל בצרות יען אשר ידענו כי הצרה מביאה לידי סבלנות׃

והתקוה היא לא תביש כי הוצק בלבבנו אהבת אל על ידי רוח הקדש הנתן לנו׃

אשר רצה האלהים להודיעם אי זה הוא עשר כבוד הסוד ההוא בגוים והוא המשיח אשר בכם אשר הוא תקות הכבוד׃

והשיג לכם דיש את בציר ובציר ישיג את זרע ואכלתם לחמכם לשבע וישבתם לבטח בארצכם׃

ונתתי שלום בארץ ושכבתם ואין מחריד והשבתי חיה רעה מן הארץ וחרב לא תעבר בארצכם׃

אני שכבתי ואישנה הקיצותי כי יהוה יסמכני׃

בשלום יחדו אשכבה ואישן כי אתה יהוה לבדד לבטח תושיבני׃

אם תשכב לא תפחד ושכבת וערבה שנתך׃

כי יהוה יהיה בכסלך ושמר רגלך מלכד׃