ותקמטני לעד היה ויקם בי כחשי בפני יענה׃

אני מלאה הלכתי וריקם השיבני יהוה למה תקראנה לי נעמי ויהוה ענה בי ושדי הרע לי׃

ישמע אל ויענם וישב קדם סלה אשר אין חליפות למו ולא יראו אלהים׃

שאנן מואב מנעוריו ושקט הוא אל שמריו ולא הורק מכלי אל כלי ובגולה לא הלך על כן עמד טעמו בו וריחו לא נמר׃

והיה בעת ההיא אחפש את ירושלם בנרות ופקדתי על האנשים הקפאים על שמריהם האמרים בלבבם לא ייטיב יהוה ולא ירע׃

יסגירני אל אל עויל ועל ידי רשעים ירטני׃

יסבו עלי רביו יפלח כליותי ולא יחמול ישפך לארץ מררתי׃

שק תפרתי עלי גלדי ועללתי בעפר קרני׃

דעו אפו כי אלוה עותני ומצודו עלי הקיף׃

ארחי גדר ולא אעבור ועל נתיבותי חשך ישים׃

יתצני סביב ואלך ויסע כעץ תקותי׃